أغلبنا ماعنده فكره يعني ايش عطش! الحمدلله دايماً متوفرة لنا المويه النظيفة، حتى في حماماتنا -الله يكرمكم-

بس في ناس كتيرة في كل العالم ماعندهم هذا الترف، وفي كل يوم بيموت قريب ١٤٠٠ طفل من الأمراض اللي تجي من الموية الغير نظيفة او من سوء الصرف الصحي..

والمفروض مايكون الوضع كدا!

في حلول كتيرة وبسيطة، زي حفر الآبار وحماية الينابيع، او بمرشحات البايو-ساند اللي بتساعد على توفير المويه النظيفة للمجتمعات حول العالم.

بدأت هذه الحملة لجمع التبرعات عشان أساعد مؤسسة تشاريتي:ووتر على انها تبني هذه المشاريع حول العالم،،

وانتو بتبرعاتكم -اللي حتكون بدل هدية عيدميلادي- حنوصل لهدف انه نوفر موية نظيفة لـ١٤ شخص محتاج..

اي مبلغ تحطوه او نشر للحملة هو مساعدة كبيرة،،

كل الفلوس اللي حتجي حتستخدم ١٠٠٪ في مشاريع المويه النظيفة..

ولمن يكتمل المشروع، تشاريتي:ووتر حيرسلولنا صور واحداثيات للمشروع وموقعه عشان نشوف المجتمع اللي ساهمنا في مساعدته